بطل قصتنا هوستيف ايلس كان يعشق الطبخ ( احب الرجل الطباخ ) ودخل معهد اعداد الطباخين ودرس اساسيات الطبخ وفنه وتخرج يعني اشتغل على نفسه صح كانت امنية ستيف انه يفتح مطعمه الخاص , مطعم 5 نجوم كان يبيه فخم وطاولاته عليها الاغطية البيضاء الفاخرة , وهو يبدع بالقائمة ويتجول بين زبائنه وهو فخور بطبخه , ولكن هناك مشكلة ليس لديه رأس مال ولا شيء , قدم على وظيفة واشتغل بمطعم راقي اسمه Stars Restaurant في مدينة فرانسسكو وصار ثاني ابرز الطباخين لانه مبدع وطبخة لذيذ ,على ان ستيف نجح بالوظيفة الا انه متمسك بحلمه ….. فكر فكر .
قال خلاص ما فيه الا اني افتح لي مطعم سريع وصغير وخفافي ما يكلفني كثير , ومنه اجمع مبلغ الي اقدر افتح مطعم احلامي , وقال طالما انا احب الاكل المكسيكي الي يسويه صاحب المطعم الصغير الي تحت عمارتي باسوي مطعمي مكسيكي , احط تورتيلا واحشيها من كل ما لذ وطاب من نكهاتي الي تعلمتها على الماشي .
اهله عارضوه انه يترك وظيفته بمطعم فخم وتفتح مطعم صغير لكن بالأخير اقنعهم وعطوه فلوس سلف 85 الف دولار
وبدا يدور محل ولقى محل صغير امام جامعة دنفر في كولورادو .
قال بس هذا الموقع رهيب ويصلح للوجبات السريعة واستأجره , فكر ستيف بطريقة غير مكلفة انهم يضبطون ديكورات المحل هو وصديقة النجار ذهبوا لمحل خشب ومحل المنيوم وجابوا معدات ورقعوها يمين ويسار الين طلعت بها الشكل
كان عام 1993 بدا اول فرع لمطعم تشابوتلي Chipotle كان متحمس انه يجمع منه فلوس ويروح يفتح مطعم أحلامه ولكن المفاحاة ان المطعم نجح نجاح باهر من اول أيامه ,الهدف انه يبيع 100 ساندويش برتو باليوم , ولكن انصدم انه يبيع 1000 باريتو باليوم ستيف فرح وقرر يفتح فرع ثاني عشان بسرعة يجمع الفلوس لمطعمه ! وفعلا ما كمل سنة الاهو فاتح الفرع الثاني ويديرهم كلهم , تميز اكله بالنظافة ولحومه طازجة وخاليه من الهرمونات على ذاك الوقت كانوا الناس توهم مادوا بوعي " الاكل الصحي " فكان مميز .
