ايلي صعب كان من عيله بسيطة ابوه يشتغل في الخشب عائشين حياة بسيطة وميسورين الحال ولأتخيل ف يوم انو حصير ملياردير ومن اشهر مصممين الأزياء في العالم .
كان ايلي من عمره 9 يحب الخياطة ومهووس بالأقمشة والخامات والرسم ,كان يروح يأخذ ملابس امه من الدولاب ويقصقصها ويخيطها بيده ويدخل في مشاكل مع عائلته وقتها عدت لبنان بحروب كثيره وبيتهم تأثر ونقلو من قريتهم وكان وقت صعب مره مع ذلك ايلي صعب كان عنده طيف امل رغم الظروف والحروب ,
وقتها بداء يرسم تصاميمه الأولى وهو بعمر 17 سنة على الجرائد ... يقول كانت البلد في حرب وحوسه وانا ارسم واخيط القماش ده على ده وكل همي الاقي قطعة الدانتيل الي رسمتها فمخيلتي !
جاب مكينة خياطه ف البيت أخيرا على قده وبدأ يخيط فساتين بسيطة وكانوا المودل خواته يساعدوه كانوا شايفنه مبدع وامه تشجعه تقول كيف طفل من هو صغير يعرف يركب الاقمشة والألوان بطريقة عجيبة كذا ( حلو لما الاهل يشجعوا ابنهم على تنمية موهبته ويدعموه )
وقتها ما كان عنده مبالغ يشتري اقمشة تخيلوا ايش كان يسوي ؟ يقص من ستائر البيت عشان يكمل معاه الفستان وبعدها جاءته منحه في باريس يدرس أزياء لأنه شافوه موهوب وشغال على نفسه ومجتهد , رجع لبنان وسؤاله مشغل خياطه بسيط وصغير كان يرسم تصاميم ويبيعها على الناس ..
وأول عرض أزياء له كان عمره 18 سنة كان في مكان بسيط اسمه كازينو لبنان .. وهذا كان فارق كبير في مسيرته واذهل الحاضرين انو كيف شاب بالعمر هذا يطلع بها التصاميم المميزة ! وفين لافي معامل كبيره ولا مكائن مكلفة كلها طلعت في مشغل متر في متر فاتحه ومن وقتها كان التحول في حياته .. توسعت دائرته مو بس في لبنان بدأ ينشهر في الخليج وحتى وصل للعالم .
ولما سألوه عن سر نجاحه قلهم أهمها الانضباط ... من البدايات لما كانت تجيني طلبيات حتى لو كان في حرب وقصف مفاجئ كنت الاقي طريقة أوصل فيها القطعة للعميلة في وقتها وعلى موعدي قد تكون هذي من اسرار نجاحي !
ومن بعدها انفتحت له الأبواب وصارت كل بلد مهتمة بالموضة زي فرنسا وإيطاليا تتنافس على ايلي صعب عشان تتبناه عندها لأنه مجتهد , مكافح منضبط وواثق بنفسه وبموهبته ودائما متفائل برغم كل الظروف .
فمين يصدق من شاب فقير على قده الى ملياردير ومن اشهر المصممين الأزياء بالعالم .
( ايلي صعب في وسط الظروف الي كانت تمر فيها البلاد والقصف كان يرسم ويخيط طول الليل واجتهد على نفسه ! أحيانا تكون المعطيات والظروف كلها ضدنا واحيانا نحاول ونفشل ونرجع نحاول وبرضو نفشل بس بعد كل فشل قول ايش المشكلة ؟ كل عقبه وظروف تعدي فيها ماهي الامجرد تعليم لك ودرس فقط مو عشان نوقف !
كيف لازم الواحد يكون تركيزه على نفسه وبس ويغض بصره وسمعه على أي شيء ممكن يوقفه .. ما يقول لا الظروف ما تسمح والوقت والعمر ما يسمح في وسط الحر طلع اشهر مصمم في العالم الخلاصة ان عقلك وافكارك وتحكمك فمشاعرك فقط هي الي تحدد )
#قصص #قصص_نجاح #ايلي_صعب #ترند
